Ezkabarteko euskarazko I. haur eta gazte literatur lehiaketa abian da!!!!!

Ezkabarteko Mintzakidek antolatutako euskarazko I. literatur lehiaketa

Arauak:

1. Parte hartzaileak: nahi duten guztiak.

2. Idazlanaren ezaugarriak: gai librea; luzera: orrialde 1 (DINA4) gehienez,

ordenagailuz (verdana hizki motaz, 11 puntukoa) ala eskuz eta euskaraz idatzia.

3. Mailak:

· 6-9 urte.

· 10-13 urte.

· 14-16 urte.

Parte hartzaile bakoitzak idazlan bakarra aurkeztuko du, argitaratu gabekoa, originala eta beste lehiaketa batean saritu gabekoa.

4. Lanak aurkezteko epea: 2014ko Otsailak 15 arte.

-      Gutunez aurkezteko, honako helbide honetara bidaliko da:

Mintzakide

Ribed parkea, 1 behea,

Atarrabia 31610

Nafarroa

Gutun-azalean “Ezkabarteko idazlan lehiaketa” idatziko da.

Lanarekin batera barruan sartuko den gutun-azal txikian jarriko dira lanaren izenburua, egilearen ezizena, eta maila. Gutun-azal txikian, orri batean, idatziko dira datu pertsonalak: izen-abizenak, helbidea, adina, telefonoa eta ikastetxea.

-      Mezu elektronikoz aurkezteko, hurrengo helbide honetara bidaliko da:

ezkabarteeuskaraz@hotmail.com

Mezu elektronikoaren gaian “Ezkabarteko idazlan laburren lehiaketa” idatziko da.

Bi artxibo erantsiko zaizkio mezuari, bakoitzak honako datuekin:

1. Idazlana bera, lanaren izenburua, egilearen ezizena eta maila bertan azalduz.

2. Datu pertsonalekin batera (Egilearen izen-deiturak, helbidea, adina, telefonoa eta ikastetxea), idazlearen ezizena eta lanaren izenburua agertuko dira.

Arau hauek betetzen ez dituzten lanak, lehiaketatik at geratuko dira.

5. Sariak. Maila bakoitzean gutxienez 3 sari izanen dira.

HAURRAK I (6-9 urte):

1º- Garaikurra, euskarazko liburuak eta materiala.

2º- Diploma, euskarazko liburuak eta materiala.

3º- Diploma, euskarazko liburuak eta materiala.

HAURRAK II (10-13 urte):

1º- Garaikurra, euskarazko liburuak eta materiala.

2º- Diploma, euskarazko liburuak eta materiala.

3º- Diploma, euskarazko liburuak eta materiala.

GAZTEAK (14-16 urte):

1º- Garaikurra, euskarazko liburuak eta materiala.

2º- Diploma, euskarazko liburuak eta materiala.

3º- Diploma, euskarazko liburuak eta materiala.

EZKABARTEKO SARI BEREZIA:

Ezkabarteko herritarrek, lehiaketa arruntean parte hartzeaz gain, Ezkabarteko sari berezia jasotzeko aukera izanen dute.

6. Epaimahaia Ezkabarte eta inguruetan bizi diren 3 irakaslek osatuko dute.

7. Sariak 2014ko otsailean ala martxoan zehar banatuko dira, Ezkabarten, Nafarroan. Irabazleei aldez aurretik abisatuko zaie. Gure blogean ere argitaratuko da:   

http://ezkabarteeuskaraz.blogspot.com.es/

8. “Ezkabarteko Mintzakide” elkarteak beretzat gordetzen ditu saritutako obrak argitaratzeko eskubideak, baita iragarritako sariak aldatzeko eskubidea ere. Idazlanak ez zaizkie itzuliko egileei.

9. Lehiaketa honetan parte hartzeak berekin darama aurreko arau guztiak

onartzea.

Laguntzaileak: Ezkabarteko Udala eta Mintzakide