Ezkabarteko Euskarazko 2. literatur lehiaketa abian da!!

Euskarazko I. idazlan laburren lehiaketaren irabazleak!!!

Agur denori!!!

Azkenean, hemen duzue Ezkabarten antolatu dugun Euskarazako I. idazlan laburren lehiaketaren irabazleak. Oso pozik gaude, lehenengo urtea izan arren, guztira 110 idazlan jaso ditugulako!! Eta herri hauetatik jaso ditugu lanak: Atarrabia, Cascante, Iruña, Txantrea (Iruña), Zizur Txikia, Goizueta, Ermua, Hazparne, Makirriain eta Arre.

Eskerrik asko ere parte hartu duzuen ikastola eta ikastetxe guztiei!!: Bernart Etxepare I.P. (Txantrea), Atargi (Atarrabia), Andres Narbarte 'Xalto' (Goizueta), Ezkia ikastola (Hazparne) eta San Fermin ikastola (Zizur Txikia).

Eta eskerrik beroenak epaimahaikideei, haien lana eta prestutasunagatik!!: Ioanne Zaratiegui, Maite, Iñaki eta Kontsue Salinas.

Maiatzak 10, eguerdiko 13.00etan banatuko dira sariak, Arreko plazan, Euskararen eguneko ospakizuna dela eta.

Zorionak denoi!!

6-9 urte:
Lehenengo saria:
              Izenburua: Ogi erre usaia

              Egilea: Unai Artola Arbelaiz

              Ikastetxea: Atargi, Atarrabia

Bigarren saria:

                            Izenburua: Markel eta itxasoa

              Egilea: Alix Artola Arbelaiz

              Ikastetxea: Atargi, Atarrabia

Hirugarren saria:

                       Izenburua: Tiburoi baten saria

              Egilea: Saioa Ascargorta Igarreta

              Ikastetxea: Atargi, Atarrabia

Ezkabarteko sari berezia:

              Izenburua: Etxe bat sorgindua

              Egilea: Miren Goñi Redin

              Ikastetxea: Atargi, Atarrabia

10-13 urte: 
Lehenengo saria:     
              Izenburua: Izar uxoa

              Egilea: Sarai Valero Aguinaga

              Ikastetxea: Bernart Etxepare I.P., Txantrea, Iruña

Bigarren saria:

                            Izenburua: Familiaren indarra

              Egilea: Naroa Zugarramurdi Zubieta

              Ikastetxea: Andres Narbarte “Xalto” Ikastetxea, Goizueta

Hirugarren saria:

                       Izenburua: Ortziren abenturak

              Egilea: Joakin Acheriteguy

              Ikastetxea: Ezkia Ikastola, Hazparne

14-16 urte:   
Lehenengo saria:   
              Izenburua: Nasira

              Egilea: Irati Garcia Urricelqui

              Ikastetxea: Pedro de Atarrabia BHI, Atarrabia

Bigarren saria:

                            Izenburua: Istorio bat

              Egilea: Maider Lareki

              Ikastetxea: Pedro de Atarrabia BHI, Atarrabia

Hirugarren saria:

                       Izenburua: Lorianaren bizitza

              Egilea: Arantzazu Rodriguez

              Ikastetxea: Pedro de Atarrabia BHI, Atarrabia

Ezkabarteko Euskararen astea 2014 eta II. Euskararen eguna

Kaixo lagunok!!!
Maiatzak 5 - 10 artean Euskararen astea eta eguna ospatuko ditugu Ezkabarteko hainbat herritan. Euskararen eguneko egitaraua eta astean zehar prestaturiko ihardueren informazioa hemen duzue:

Anima zaitezte eta parte hartu!!!!!

D eguna Ezkabarten!!

Kaixo! D eguna ospatu genuen Ezkabarten, D eredua gure haranean bultzatzeko eta bermatzeko asmoz. Arren barna kalejira egin ondoren, Atarrabiaraino joan ginen, han egin ziren ekimenetan parte hartzeko.

Hona hemen argazkitxoren bat...

Arestiren hitzez, geure arbasoak omentzen

Nire aitaren etxea
defendituko dut.
Otsoen kontra,
sikatearen kontra,
lukurreriaren kontra,
justiziaren kontra,
defenditu
eginen dut
nire aitaren etxea.
Galduko ditut
aziendak,
soloak,
pinudiak;
galduko ditut
korrituak,
errentak,
interesak,
baina nire aitaren etxea defendituko dut.
Harmak kenduko dizkidate,
eta eskuarekin defendituko dut
nire aitaren etxea;
eskuak ebakiko dizkidate,
eta besoekin defendituko dut
nire aitaren etxea;
besorik gabe,
sorbaldik gabe,
bularrik gabe
utziko naute,
eta arimarekin defendituko dut
nire aitaren etxea.
Ni hilen naiz,
nire arima galduko da,
nire askazia galduko da,
baina nire aitaren etxeak
iraunen du
zutik.